對親家

好奇。
看得懂的舉手一下下

發生咗啲事
呢種情況我通常形容為
“無得傾，唔駛傾”

好簡單
佢地搵佢傾
佢就哦，哦，哦
哦完之后 就詐家而唔記得

無計。
佢地就搵老母出黎同佢傾
佢又搵去老母出黎同佢老母傾
于是乎 佢地老母 同佢老母傾
兩個老母傾點么野 無人知。

好喇。雙方家長點嗮頭同意
皆大歡喜，婚事搞大佢
請埋隔離街最德高望眾個村長
帖發嗮，人請嗮
個個等著做人情

原本女家個叔仔就拍嗮搏頭 斬埋雞頭
話邊間邊間酒家佢熟， 邊家婚紗佢有窿路
過條數卑佢， 包搞掟。
當時就實牙實齒， 話易過借火， 食豆腐話都無甘易。
點知就一去三個幾月，
一陣又話 搭飛機
一陣又話 忙唔黎
一陣又話 要人幫
要呢樣要個樣
甘話到底做起喜事，人地又甘落力
男家個邊又點會唔幫？
又無計啦，他要咩就俾咩咯。

最初就發張菜單， 幾道菜唔係幾啱，
男家就話換咯。
點知就不見咗咯，無下聞。
催佢又唔係，唔催又唔係。
問佢邊間酒家又唔講
慢成甘 男家又點放心得落
就唯有自己人去搵多間咯。
搵到間價錢又平，菜又啱，爭在落定喇
件事又卑個叔仔知道， 他又唔高興喇
話傾緊個間 係佢朋友
而家甘個款既係算掂，
係咪信唔過佢
唔當佢自己人？

吵下吵下居然就直接吵到家婆個署
老人家不明就理，就話就用翻叔仔個間咯
一人少句。
甘好咯，就用個間，但喜事就近都要試食嘎。
酒樓又沒睇過，點去又無人知
鬼知會唔會無雷公甘遠，搵鬼去咩。
又催佢咯，又話
得，得無問題
轉頭又無件事

你同佢講，佢就當你無到。
你唔聽佢講，佢就炸嗮型。
好喇，就唔好傾咯，好在個間相熟，有咩依郁，渣住碌竹。
由佢攪。

你忍得新郎哥又邊忍得？
無端端又黎話定金先俾，
都俾咗半啦，算係甘啦。
外出都未有甘喇。
另一半邊有得卑。
叫佢帶大家去睇下間酒家先
試食，甘再俾

點知佢又炸型。
今次去到家婆署不得至，仲告到太公個署
陰功。
太公佢幾廿歲人，話辦喜事急掙拗
相嗌唔好口
一人少句，大家心平氣和，慢慢傾

佢就投訴話大家唔合作，唔幫佢
等佢仲撲心撲命甘 為呢頭親事
問大家而家唔過數， 係咪想頭親事結唔成。

陰功，新郎哥都聽到成肚火
家下我結婚定你結婚
我話呢間 你就個間
就你個間 你又無出個數黎睇，又無人知響邊度。
你叫我點過埋條尾數俾你。
我結婚連自己榨返主意邊間都唔得
仲愛聽你支笛
傾襯結果又係一樣，就係你講么就么
直逞就耳聾。
我就黎因為你結唔成
家下你仲聲大夾惡拋我。
呢啖氣叫人點吞得落。

傾么傾
唔駛傾！

你再惹起我把火
睇我鏟唔鏟鬼你